Алабуга районында Иван-чәй фестивале узды

Быел да бирегә Алабуга, Түбән Кама, Менделеевск, Яр Чаллы, Санкт-Петербург һәм күрше авыллардан кунаклар җыелды.

Фестивальдә катнашучылар мастер-классларда һәм флешмобларда катнаша, әйлән-бәйлән уйный, иван-чәйне ферментацияләү серләренә өйрәнә алды.

Фестивальнең оештыручысы Евгения Терешина ассызыклаганча, кырлыганны яз ахырында — майда җыя башлыйлар һәм орлык барлыкка килгәнче дәвам итәләр. Соңгы елларда бу эчемлекнең популярлыгы көннән-көн арта. Аны гади халык та, җәмәгать туклануы учреждениеләре дә бик теләп ала.