Алабуга районы Татар Дөм-Дөм авылында Сабан туе узды

Күңелле уеннар, кызыклы конкурслар, халкыбызның гореф-гадәтләре һәм матур бию-җырларны үз эченә алган милли бәйрәм — Сабантуйлары авылларда үткәрелә башлады. Бүген 11 июнь көнне алабугалылар Татар Дөм-Дөм авылына җыелды.

Сабантуйны ачу тантанасында АМР Башкарма комитеты җитәкчесе Ленар Нургаянов, авыл хуҗалыгы идарәсе башлыгы Александр Косов, «Яшь Көч» ҖЧҖ агрофирмасы җитәкчесе Рузилә Һадиуллина, Иман хәзрәт Гыйззәтуллин катнашты.

Бәйрәмдә республика башкаласыннан килгән кунаклар Гөлсирин Абдуллина һәм Азат Абитов чыгыш ясады.