Алабугада ит-консерва комбинаты хезмәткәрләрен бүләкләделәр

Алабугада шәһәр планеркасы кысаларында бүләкләү тантанасы узды. Россия Федерациясе Авыл хуҗалыгы министрлыгының «Агросәнәгать комплексы системасында күпьеллык намуслы хезмәте өчен» Рәхмәт хаты белән «Алабуга ит-консерва комбинаты» акционерлык җәмгыятенең баш инженеры Руслан Вахитов бүләкләнде.

Татарстан Республикасы Авыл хуҗалыгы һәм азык-төлек министрлыгының «Татарстан Республикасы агросәнәгать комплексы системасында күпьеллык намуслы хезмәте өчен» Мактау грамотасы белән «Алабуга ит-консерва комбинаты» акционерлык җәмгыятенең колбаса цехы мастеры Люция Мотовилина һәм консерва цехының 5 разрядлы фарш ясаучысы Альбина Якупова бүләкләнде. Бүләкләрне Алабуга районы башкарма комитеты җитәкчесе Эльмира Әхмәдиева тапшырды.