Алабугада МХО герое фотосы белән баннер урнаштырдылар

Алабугада Мәрҗани һәм Әйләнеч шоссе урамнары киселешендә яңа баннер урнаштырылды, дип хәбәр итә Алабуга районы башлыгының матбугат хезмәте. Алабугалы Виктор Чернышев махсус операция вакытында батырлык күрсәтә. Моның өчен аңа дәүләт бүләге — Суворов медале тапшырыла.

Искәртеп узабыз, «Суворов медале» — Россия Федерациясенең коры җир гаскәрләренә сугышта күрсәткән батырлыклары өчен бирелә торган дәүләт бүләге. Россия Кораллы Көчләре хәрбиенә лаеклы бүләк 2023 елның апрелендә тапшырыла.