Алабугада «Өй янындагы бакча» скверында чыршы ачылды

Кичә Алабугада «Өй янындагы бакча» скверында чыршы ачу тантанасы узды. Бәйрәм кунаклары өчен концерт номерлары, күңелле конкурслар, табышмаклар, флешмоблар әзерләнгән иде. Шулай ук балалар өчен уен зоналары эшләде.

Бәйрәмгә килүчеләрне якынлашып килүче Яңа ел бәйрәме белән АМР башкарма комитетының яшьләр сәясәтен үстерү секторы мөдире Игорь Смирнов котлады. Ул барысына да бәхет, сәламәтлек, иминлек һәм күңелле бәйрәм теләде.

Бәйрәмдә танылган персонажлар Чебурашка һәм Мишка Теддины очратырга мөмкин иде. Алабугалылар алар белән истәлеккә фотога төштеләр.