Алабуга нуры

Алабугада үткән отчет сессиясендә бүләкләр тапшырылды

ТР Премьер-министрының беренче урынбасары Рөстәм Нигъмәтуллин мактау грамоталары тапшырды. 

Алабуга муниципаль районы Советының хисап сессиясендә бүләкләү тантанасы үтте. Татарстан Республикасы Премьер-министрының беренче урынбасары Рөстәм Нигъмәтуллин Татар Дөм-Дөме авыл җирлегенең 4нче сайлау округы депутаты Зөлфия Сөнгатуллинага Татарстан Республикасының «Фидакарь хезмәт өчен» медален тапшырды.

Пенсионер, Татар Дөм-Дөме авыл җирлегенең элеккеге башлыгы Рафаил Бәдретдин улы һәм Поспелово авыл җирлеге башкарма комитеты җитәкчесенең элеккеге урынбасары Антонида Ложкина ТРның «Татарстан Республикасының җирле үзидарәне үстерүдәге казанышлары өчен» медале белән бүләкләнделәр.

10нчы урта мәктәп директоры Роза Салиховага «Татарстан Республикасының атказанган укытучысы» мактаулы исеме бирелде.

«Татарстан Республикасының атказанган мәдәният хезмәткәре» дигән мактаулы исемгә «Кызыл канәфер» ветераннар хоры хормейстеры Людмила Исакова һәм Алабуга мәдәният һәм сәнгать көллияте укытучысы Илфир Сәлахов лаек булдылар.

Республика Премьер-министрының беренче урынбасары Алабуга муниципаль районы Советының оештыру бүлеге җитәкчесе Надежда Ушаковага Татарстан Республикасы Президентының Рәхмәт хатын тапшырды.

Алабуга Үзәк район хастаханәсе "Дәүләт автоном сәламәтлек саклау учреждениесе«нең балалар сырхауханәсенең күз табибы Розалия Гобәйдуллина һәм Илмәт авыл җирлеге башлыгы Рәзимә Мингалеева Татарстан Республикасы Министрлар Кабинетының Рәхмәт хатын алдылар.


«Алабуга ит-консерва комбинаты» АҖнең сату буенча менеджеры Лилия Решетниковага Татарстан Республикасы Дәүләт Советы Рәисенең Рәхмәт хаты тапшырылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: