Алабуга нуры

Алабугада Виталий Дерягин истәлегенә чаңгы ярышлары узды

Кичә Танай урманындагы чаңгы-роллер трассасында республикабызның алдынгы спортчылары, чаңгы спорты ветераннары, шулай ук барлык теләүчеләр өчен Кичке чаңгы узышы булды.

Ярышлар спорт ветераны Виталий Дерягин истәлегенә багышланган иде.
Ул күп кенә шәһәр һәм республика ярышларында гына түгел, Бөтенроссия һәм халыкара ярышларда да актив катнашкан һәм җиңүче булды. Виталий актив җәмәгать эшлеклесе, Алабуга шәһәр Советы депутаты булып эшләде.
Исегезгә төшерәбез, ул 2020 елның җәендә, IRONMAN триатлонында катнашкан вакытта, Финляндиядә вафат булды.

Виталий Юрий улы спорт белән мавыга һәм күп ярышларда катнаша. Аның туган көне алдыннан (5 гыйнварда Виталий Дерягинга 45 яшь тулган булыр иде) чаңгы ярышларына республиканың 10 районыннан — Казан, Яр Чаллы, Түбән Кама, Яшел Үзән, Әгерҗе һәм башка районнардан 120 спортчы-чаңгычы җыелды. Аларның күбесе Виталий Дерягин белән шәхсән таныш булган.



Җыелучыларны район башкарма комитеты җитәкчесе Линар Нургаянов сәламләде:
— Бүген чаңгы спортын яратучылар өчен искиткеч бәйрәм. Ул инде күркәм традициягә әверелде. Чаңгы ярышларын оештыручы Леонид Барышевка зур рәхмәтебезне белдерәбез. Без чаңгы ярышына гына түгел, ә дустыбыз Виталий Дерягинны искә алу өчен дә җыелдык. Аның турында хәтер мәңгегә безнең йөрәкләрдә калачак.

Ярышларда Виталий Дерягинның тормыш иптәше Юлия дә катнашты. Ул шулай ук ярышларда катнашучыларга мөрәҗәгать итте:
— Быел сезнең һәркайсыгыз тормышында шатлыклы вакыйгалар күбрәк булуын телим. Сезгә яхшы кәеф, узыштан ләззәт алуыгызны телим. Иртәгә Виталийга 45 яшь тулган булыр иде. Бу — иң авыр спорт төрләренең берсе, шуңа күрә чаңгыга басу-ул инде җиңү.



«Бары тик алга һәм җиңү генә!» — чаңгычылар арасында ярышлар шундый девиз астында үтте. Виталий Дерягин нәкъ менә шундый девизны әйдәп бара иде.
Финишта һәр катнашучыны "Эссен Продакшн АГ" АҖнән бүләкләр көтте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: