Алабугалылар Ленинград өлкәсендә Сабантуй үткәрде

Узган ялларда Ленинград өлкәсенең Всеволжск районы Энколово авылында Сабантуй бәйрәме узды. Татарстанны анда, традиция буенча, Алабуга районы тәкъдим итте.

Алабугалылар татар халкының бөтен рухын чагылдырган программа әзерләп барды.

«Без Ленинград өлкәсе халкын Татарстан мәдәнияте һәм гореф-гадәтләре белән таныштыру мөмкинлегенә рәхмәтле. Безнең ишегалдында катнашучыларга һәм кунакка килгәннәргә рәхмәт», — дип хәбәр итә Алабуга районы башлыгы телеграмм-каналында.

Бу көнне төрле милләт вәкилләре чүлмәк ватуда, билбау көрәшендә, капчыклар белән көрәшүдә үз көчләрен сыный алды. Килгән кунакларны чәк-чәк, кыстыбый, коймак белән сыйладылар. 

Бәйрәм программасында спорт ярышлары, аркан буенча йөрүче чыгышы, традицион милли аш-су, билбау көрәше, иҗат коллективлары чыгышлары бар иде.