Алабуганың төп чыршысы янында яңа ел бәйрәме башланды

«Гуляй-парк»та яңа ел бәйрәме уңаеннан күңел ачу чаралары башланды. Чараны сәламләү сүзләре белән алып баручылар ачып җибәрде. Алар алабугалыларны котлап, аларга иң изге теләкләрен җиткерде. Бәйрәм концерт номерлары белән дәвам итте. 

Чара барышында муниципаль конкурсларга йомгак ясалачак.

Биредә шулай ук Кыш Бабай резиденциясе дә эшли, анда теләге булган һәркем керә ала.

«Filatov & Karas» Россия төркеме Алабугада Яңа ел бәйрәменең төп йолдызы булачак. Аларның чыгышын алабугалылар 21.00 сәгатьтә күрә алачак.