Алабуга нуры

“Август-Алабуга” − “Алабуга” МИЗ (ОЭЗ)ының горурлыгы

28 июньдә “Алабуга” МИЗы территориясендә үсемлекләрне саклау чаралары җитештерү буенча завод ачылды.

Махсус икътисадый зонаның генераль директоры Тимур Шаһивәлиев белдерүенчә, яңа предприятиене дөрестән дә МИЗ горурлыгы дип атарга була, чөнки ул Россия территориясендәге иң заманча һәм технологияле предприятиеләрнең берсе булып тора. Биредә автоматлаштыру һәм роботлаштыру – югары дәрәҗәдә: продукция конвейер буйлап күчә, кеше әзер һәм төргәкләнгән әйбергә генә кагыла һәм аны складтагы тиешле урынга җибәрә.

Заводны ачу тантанасында Татарстан Президенты Рөстәм Миңнеханов, Алабуга муниципаль районы башлыгы Геннадий Емельянов, Россия Федерациясе Сәнәгать һәм сәүдә министрлыгының химия-технология комплексы һәм биоинженерлык технологияләре департаменты директоры Александр Орлов, “Август” компаниясенең генераль директоры Александр Усков, Алабуга” МИЗының генераль директоры Тимур ШаһивәлиевАвгуст-Алабуга заводының  генераль директоры Владимир Алин катнашты.

Бүген без “Алабуга” МИЗында чираттагы заманча җитештерү урынын ачабыз. Ул импорт алмашуга, бу продуктның читкә чыгарылу көченә исәпләнгән. Саклану чараларыагросәнәгать комплексыбыз уңышлы булсын өчен кирәкле җитди элементларның берсе. Сер түгел, аларның төп өлеше бездә һәрвакыт сатып алына иде, хәзер “Август” компаниясе аркасында без Россиядәге кулланучыларны тәэмин итеп кенә калмаячакбыз, компания үз эшләнмәләрен 20 илдә тарата инде, һәм, уйлавымча, аларның саны артачак. Әйтергә тиешмен, предприятие иң заманча, монда тулысынча 4:0 ысулы эшкә җигелгән – бу югары сыйфат, югары җитештерүчәнлек, югары нәтиҗәлелек, − диде Рөстәм Миңнеханов һәм “Август” компаниясенең саклану чараларын җитештерүче генә түгел, әмма республиканың агросәнәгать комплексы өлкәсендә стратегик партнер булуын да билгеләп үтте.

Әйтергә кирәк, бүген Россиядә җитештерелә торган пестицидлар күләме авыл хуҗалыгы мәнфәгатьләрен 50 процентка гына канәгатьләндерә, препаратларның күпчелек өлеше читтән кертелә. Яңа “Август-Алабуга” предприятиесе үзенең эшләнмәләре белән Россиядәге пестицид базарының өчтән берен тәэмин итәргә сәләтле.

− Без төрле төбәкләрдә эшлибез, ләкин шушындый игътибарлы һәм сизгер мөнәсәбәтне, проектлау һәм төзү вакытында барлыкка килә торган барлык сорауларның үтә тиз чишелешен без башка беркайда да очратмадык. Нәкъ менә шуңа күрә, әле төзелешне тәмамламый торып, без ия булган ысуллар ярдәмендә нәрсә алып буласын күрсәтү өчен, без биредә авыл хуҗалыгы проектын оештырырга карар иттек, − диде Александр Усков.

“Август-Алабуга”ның гомуми мәйданы 17,7 гектар, заводның җитештерү егәрлеге – елына 50 миллион литр әзер продукция һәм 8 миллион канистр полимер кап. Заводта 200 эш урыны булдырылган, ярты ел эчендә тагын иллеләп хезмәткәр алырга ниятлиләр. Владимир Алин әйтүенчә, хезмәткәрләрнең күбесе – алабугалылар.

Завод төзелешенә инвесторлар 4,5 миллиард сум акча керткән, шуларның 233 миллионы тирә-як мохитнең куркынычсызлыгын тәэмин итүгә тотылган.

Нравится
Поделиться:
Реклама
Комментарии (0)
Осталось символов: