Кичә Алабугада Билгесез солдаты искә алу көне узды

Әлеге дата ел саен 2014 елдан бирле билгеләп үтелә. Хәтер акциясе Алабугада да узды. Анда депутатлар, «Форпост» үзәге вәкилләре, Алабуга мәдәният һәм сәнгать көллиятенең куркынычсызлык хезмәте студентлар отрядлары катнашты.
— Искә алу көнендә без шәмнәр кабыздык һәм Мәңгелек ут янына чәчәкләр куйдык. Катнашучыларга Билгесез солдат көне, шулай ук аның безгә ничек кадерле һәм истәлекле булуы турында сөйләделәр. Бу бит безнең тарихыбыз. Студентлар әлеге дата турында белсә дә, барыбер аларга бу хакта искәртергә һәм аларны бирегә алып килергә кирәк. Без исән чакта халкыбызның батырлыгын хөрмәт итәчәкбез, искә алачакбыз, — диде «Форпост» үзәге директоры Любовь Степанова.