Алабуга нуры

Ярминкәләр

Алабугада авыл-хуҗалыгы ярминкәләре дәвам итә. Узган атнада, алдан вәгъдә ителгәнчә, ярминкәләр ике көн рәттән узды. Монда катнашучылар саны да, тәкъдим ителгән товарлар да алдагы атнаныкы белән чагыштырганда шактыйга артык иде.

Узган атна ярминкәдә 8 сумнан 50 тонна бәрәңге, 6 сумнан 10 тонна кәбестә, 11 сумнан 30 тонна суган, 10 сумнан 5 тонна кишер, 180-260 сумнан 2 тонна бозау һәм 160-210 сумнан 3 тонна дуңгыз ите сатылган. Ярминкәдәге бәяләр базарныкы белән чагыштырганда 30 процентка очсызрак иде.

Алдагы ярминкәдә малларны тере килеш алып үзләре үстерергә теләүчеләрнең саны шактый булу сәбәпле,"Крикунов" хуҗалыгы һәм ХПП сату өчен 10 баш дуңгыз, "Яшь көч" агрофирмасы 5 баш бозау да алып килгән. Терлек сатып алырга теләге булганнардан гаризалар кабул итү дәвам итә. Аларның үтәлеше өчен авыл хуҗалыгы идарәсе җаваплы. Ярминкәдә шулай ук гөмбә, җиләк, төрле үләннәр, балык, сөт, йомырка һәм башка төрле кирәк-ярак алырга да мөмкин. Халык та ач йөрмәде төрле камыр әйберләре белән чәйләп алучылар, шашлык белән тамак ялгаучылар да шактый булды.

Бу ярминкәдә күрү буенча инвалидлар соравы белән "Алабуга УкупрПласт" янында "Вятские Зори" агрофирмасы һәм "Ворошилов" совхозы яшелчә һәм бәрәңге сату оештырды.

Көзге муллык ярминкәсенә авыл хезмәтчәннәре һәм шәһәр халкы да бик теләпйөри. Ләкин әле камиллеккә чикләр юк дигәндәй, җитешмәгән яклар һаман кала килә.

Очсызрак бәягә яшелчә, бәрәңге, ит алдым дип сөенүчеләрнең алган товарларын өйләренә кадәр алып кайтырга транспорт булмау кәефләрен кырды. Дүшәмбе киңәшмәсендә район башлыгы җитәкчеләр алдына эшне бу проблемага кабат әйләнеп кайтмаслык итеп оештыру бурычы куйды. Ярминкәдә бозау ите бәясенең күрсәтелгән чикләрне сикереп үтүе дә халыкта канәгатьсезлек тудырган. Ул 180 сумнан артмаска тиеш булса да, базар бәясен куып җитте. Ә өлкән буын иске базар территориясенең ташландык хәлдә булуына пошына. Җитәкчеләр бу проблема тиздән хәл ителәчәк, дип ышандыра. Иске базар мәйданын төзекләндерергә теләк белдергән инвестор инде табылган.

Ярминкәләр әле дәвам итә, оештыру эшләре, товарларның төрлелегенә кагылышлы теләк-тәкъдимнәре булганнар район башкарма комитетына

3-08-32 телефоны аша шалтыратып хәбәр итә ала.

Л.Зиннәтова

Нравится
Поделиться:
Реклама
Комментарии (0)
  • 23 май 2018 - 16:57
    Алыштырып та, кайтарып та була Кибеттән алынган әйберне уйлаганча тиз генә алыштырып бирмиләр.
    51
    0
    0
  • 22 май 2018 - 15:18
    Росреестр күршеләр белән дуслашырга ярдәм итә Бакчада барлыкка килгән проблеманы хәл итер юллары турында Татарстан Росреестр хезмәткәре Аделя Хазеева сөйләячәк.
    38
    0
    0
  • 22 май 2018 - 15:12
    ЯЗЫЛЫРГА АШЫК! 2018 елның II яртыеллыгына “Алабуга нуры” һәм “Новая Кама” газеталарына язылу башланды.
    37
    0
    0
  • 22 май 2018 - 15:00
    Киңәшле эш таркалмас Алабугада беренче тапкыр шәһәр күләмендә ата-аналар җыелышы булды. Анда ике йөздән артык кеше катнашты. Алар арасында җәмәгать оешмалары, мәктәп һәм балалар бакчаларының ата-аналар комитеты вәкилләре бар иде.
    44
    0
    0
  • 22 май 2018 - 14:58
    18 майда Халыкара Музейлар көне үтте. Музей-тыюлык хезмәткәрләре Ленин мәйданында Музейлар көненә багышланган бәйрәм үткәрде.
    36
    0
    0
  • 22 май 2018 - 11:39
    Бүләкләделәр Бүген шәһәр киңәшмәсен Геннадий Емеләянов бүләкләүдән башлады
    46
    0
    0
  • 19 май 2018 - 12:31
    Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
    51
    0
    0
  • 17 май 2018 - 17:27
    БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
    55
    0
    0
  • 23 октябрь 2017 - 14:24
    Защити себя!
Ночной режим