Алабуга нуры

Алабуга районы «Мир» җәмгыятендә төзелеш бара

Малореченск авылындагы авыл хуҗалыгы предприятисендә сыерлар өчен абзарлар төзелә.

Төзүчеләр бригадасы биредә сыерлар өчен яңа корпусның төзелеш эшләрен башлаган. Без килеп, эшнең көчле темп та барганын күрдек. Биредә һәр кеше дә үзенә кушылган эшне зур тырышлык һәм җаваплылык белән башкара.

Зур кран ярдәмендә колонналарны беркетү тәмамланып килә инде.
Монолит диварлар салынган. Түбә бәпкәләре куелган. Үзбушаткыч КАМАЗ ком ташый, ә трактор комны ныгытма нигезенә бушата.

Прораб Виктор Николаев әйтүенчә, төзүчеләр тирес өчен канаулар сала башлады. «Мир» ҖЧҖнең Малореченскидагы бүлекчә идарәчесе Андрей Зорин сүзләренә караганда, эш озакка сузылмас, июль урталарына биредә голштин токымлы 1600 тана булачак.

— Дөрес, һава торышы бераз бозылды, ләкин ул гына безгә киртә түгел, — ди ул, — һәр көн эшеңне намус белән башкарсаң, нәтиҗәсе дә куандырыр.

Район терлекчеләре сөт җитештерү тизлеген арттыра. Искәртәбез, «Мир» җәмгыяте район буенча беренче урында бара. Анда бу күрсәткеч  көненә — 30,9 тонна. Ул узган елның шушы чоры белән чагыштырганда, 8,5 тоннага артык. Бер сыер тәүлегенә уртача 33,2 килограмм сөт бирә. Яңа корпуслар төзелү, һичшиксез, райондагы сөт җитештерүне арттырырга мөмкинлек бирәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: