Яшүсмерләргә урлаганнары өчен мәҗбүри эшләр каралган

Алабуга шәһәр прокуратурасы балигъ булмаган ике алабугалыга карата гаепне хуплады.

Прокурор ярдәмчесе Семен Гришин сөйләгәнчә, узган елның 18 июлендә алар төнлә азык-төлек кибетенә кереп, тәрәзәне ватып, алкоголь, тәмәке, жвачкалар һәм акча урлаган.

Моннан тыш, бу яшүсмерләр узган елның 19 июленнән 21енә кадәр даруханә һәм кайбер кибетләрдән әйберләр урлаганнар.

Суд тарафыннан балигъ булмаган һәр хөкем ителүчегә 150 сәгать мәҗбүри эш рәвешендә җәза билгеләнде.

фото: freepik.com