17 октябрь — 23 октябрьгә йолдызнамә

Кучкар (21 март — 20 апрель) 
Әйләнә-тирәдәгеләр белән күп аралашу көтелә. Таныш булмаган кешеләр биргән вәгъдәләргә ышанмагыз — алдаулары бар, дип кисәтә йолдызлар.

Үгезбозау (21 апрель — 20 май)
Бу атнаның төп проблемасын хәл итү юлы һич табылмый. Яхшылап уйлагыз әле: бәлки ул алай ук мөһим дә түгелдер? Шәхси тормышта җитди адымнар ясар вакыт җитте.

Игезәкләр (21 май — 21 июнь)
Бу атнада сезне бары тик яхшы хәбәрләр генә көтә. Сөйгәнегездән сюрпризлар булуы ихтимал. Гомумән, сездән уңай энергия тарала. Онытыла башлаган мөнәсәбәтләрнең яңаруы мөмкин.

Кысла (22 июнь — 22 июль)
Финанс яктан тотрыклы киләчәккә нигез салу өчен уңышлы вакыт. Яңа танышулар, яңа мөнәсәбәтләр көтә. Ялгызлар парын табачак. Яшәү урынын алыштыру ихтималы зур.

Арыслан (23 июль — 23 август)
Сәламәтлек мәсьәләсе — беренче урында. Шуңа күрә тизлекне бераз киметегез, һаман каядыр чабу, бар нәрсәгә дә җитешү теләген тыегыз. Әйтәсе сүзләрегезне уйлап әйтегез.

Кыз (24 август — 23 сентябрь)
Хисләр ташкынына бирелеп хаталар ясап атмас өчен эмоцияләрегезне тыярга туры киләчәк. Аралашудан читләшмәгез: берәр әңгәмә вакытында үзегез өчен файдалы мәгълүмат ишетәчәксез.

Үлчәү (24 сентябрь — 23 октябрь)
Яңа кешеләр килү белән бәйле рәвештә, эштә мөһим үзгәрешләр көтелә. Сезне күреп алсыннар өчен катгый һәм актив булырга туры киләчәк. Бу атнада ерак юлларга чыкмаска киңәш ителә.

Чаян (24 октябрь — 22 ноябрь)
Эш урынындагы интригаларга бирешмәгез. Алтын урталык сакларга тырышыгыз. Сабырлык үз җимешен китерер: атна уртасында яхшы хәбәрләр көтегез. 

Укчы (23 ноябрь — 21 декабрь)
Тәмле теллеләргә ышанып, ни дә булса үзгәртергә ашыкмагыз. Матур сөйләнгән сүзләр еш кына ялган булып чыга. Иң якын кешегез көч һәм илһам биреп торыр.

Кәҗәмөгез (22 декабрь — 20 январь)
Тыныч яшәргә һәм алга таба үсәргә комачау итүчеләрдән арыну вакыты җитте. Коллегалар белән мөнәсәбәтләрне җайга салыгыз. Ерак танышларга әҗәткә акча бирмәгез.

Сукояр (21 январь — 18 февраль) 
Бу атнада эшләгән барлык эшләрегез, кылган гамәлләрегез — барысы да киләчәктәге уңыш һәм матди тотрыклылык өчен нигез булачак. Ялларда табигатьтә, гаилә яки якын кешеләр белән аралашу көч бирәчәк.

Балык (19 февраль — 20 март) 
Эштә бик игътибарлы булыгыз. Кечкенә генә ялгыш та соңгы арада куйган барлык хезмәтегезне юкка чыгарырга мөмкин. Шуңа күрә күңел ачу турында беразга онытып торыгыз. Якыннарыгызның берсенә ярдәм таләп ителәчәк