Алабуга интернат-йортында Алабуга тарихы турында әңгәмәләр циклы үткәрелә

Алабуга өлкәннәр һәм инвалидлар өчен интернат-йортта Алабуга тарихы турында әңгәмәләр циклы үткәрелә. 

Аны «көмеш волонтер» Фрида Шакирова алып бара. Ул шәһәр исеме белән бәйле риваятьләр, Алабуга тарихына зур өлеш керткән танылган кешеләр турында сөйләде, «История в лицах» китабы белән таныштырды, «Нәрсә сурәтләнгәнен бел» викторинасын үткәрде.

Очрашуда катнашучыларның барысы да бүләккә шәһәрнең истәлекле урыннары сурәтләнгән открыткалар алды. Чараны Алабуга гимны һәм «На холме елабужском» җырын тыңлау белән тәмамладылар.