Алабуга интернат-йортында намаз уку бүлмәләре эшли

Алабуга интернат-йортында яшәүчеләр төрле милләт кешеләре. Аларның күбесе дини кешеләр, рухи ярдәмгә мохтаҗ, шуңа күрә интернат-йортта мөселманнар һәм православие динендәгеләр өчен намаз уку бүлмәләре булдырылган.

Шушы көннәрдә Изге Троица мәхәлләсе настоятеле иерей Илия Кривов православие гыйбадәтханәсендә «Благословение» түгәрәгендә дәрес үткәргән. Очрашу сәламәт яшәү рәвеше, зарарлы гадәтләрне профилактикалауга багышланган. Зыянлы гадәтләр нәрсә ул, алар кайдан килә, аларны ничек җиңеп була икәне турында сөйләшү үткән.

Мөселманнар өчен һәр пәнҗешәмбе намаз бүлмәсендә «Ихлас» түгәрәге дәресләре уза. Монда Коръән сүрәләре һәм өзекләр укыла, мөселман бәйрәмнәре билгеләп үтелә.