Алабуга өлкәннәр өчен интернат-йортта яшәүчеләр Җәмигъ мәчетендә булдылар

Алабуганың өлкәннәр һәм инвалидлар өчен интернат-йортында яшәүче өлкәннәрне, инвалидлар декадасы кысаларында, шәһәрнең Җәмигъ мәчетенә чакырдылар.

Фәнзил хәзрәт Нәбиуллин аларның чираттагы очрашулары һәрвакыттагыча интернатта түгел, ә мәчеттә узуына шатлануын белдерде. Ул кунакларга шәһәр мөселманнары тормышы турында сөйләде, изге Коръән сүрәләрен укыды, дога кылды, 2024 елга календарьлар бүләк итте һәм бергәләшеп чәй эчәргә чакырды. Хәзрәт шулай ук тиздән интернат-йортка килергә вәгъдә итте.