Алабуга районында тыл ветераны үзенең 100 яшьлек юбилеен билгеләп үтте

Кичә Алабуга районында яшәүче Пелагея Федорова үзенең 100 яшьлек юбилеен билгеләп үтте. Юбиляр бу көнне үзенең адресына бик күп җылы сүзләр һәм теләкләр ишетте. 

Юбилярны ТР Рәисе һәм Алабуга районы башлыгы исеменнән АМР башлыгы урынбасары Роман Исланов котлады. Шулай ук авыл активы һәм Ветераннар советы делегациясе аны «Берегиня» ансамбле башкаруындагы матур җырлары белән сөендерде.

Федорова Пелагея Александровна Балык Бистәсе районының Уракчы авылында туган, тыл хезмәтчәне 6 медальгә ия. Әтисе умартачы, әнисе хуҗабикә булган.

Чистай шәһәрендә яшәгәндә Федоров Иван Александровичка (Бөек Ватан сугышында катнашкан) кияүгә чыга, өч бала таба. Хәзер юбиляр оныгы Надежда һәм аның ире Евгений белән Танайка авыл җирлегенең Колосовка авылында яши.