Алабугада алдакчылык очракларын кисәтү буенча акция уза

Алабуга полициясе һәм ирекле халык дружинасы әгъзалары тарафыннан мәгълүмат-телекоммуникация технологияләрен кулланып кылынган җинаятьләрне профилактикалау буенча акция үткәрелде. 

Профилактика акциясе халык күп үтеп йөри торган сәүдә нокталары, предприятие, учреждение һәм оешма территориясендә уздырылды.

Акциядә катнашучылар гражданнарга мошенниклыкның иң киң таралган төрләре, интернет, кәрәзле телефон кулланып банк карталарыннан акча урлау, шулай ук гражданнарны мондый һөҗүмнәрдән саклау ысуллары турында сөйләделәр.

Акция барышында гражданнар арасында дистанцион алдауларны һәм банк карталарыннан урлауларны профилактикалау буенча белешмәләр, буклетлар тапшырылды. 

Алабуга районы хезмәт коллективлары арасында чыгыш ясау практикасы дәвам итә.

4 апрельдә тәртип сакчылары китапханә белгечләренең семинар-киңәшмәсендә катнашты, анда явыз ниятле кешеләр кулланган алдауның яңа һәм киң таралган төрләре һәм ысуллары, шулай ук алардан саклану ысуллары турында сөйләделәр.

Россия Эчке эшләр министрлыгының Алабуга районы буенча бүлеге хезмәткәрләре гражданнарны игътибарлырак булырга һәм акча күчерүне сораган чит кешеләргә ышанмаска чакыра!