Алабугада «Чаян» журналының баш мөхәррире белән очрашу булачак

19 гыйнварда 10 сәгатьтә Алабуга дәүләт музей-ядкарьлегенең Заманча этносәнгать музеенда «Чаян» журналының баш мөхәррире Рафаэль Хәлилулловның сәнгать сөючеләр клубы әгъзалары белән очрашуы була, ул легендар журналның 100 еллык юбилеена һәм «Чаян» карикатурачылары күргәзмәсен ачуга багышлана.

Рафаэль Исмәгыйль улы «Чаян»ның тарихы һәм бүгенге чынбарлыгы, Казан карикатурачылар мәктәбе һәм сатирик басмадагы эш үзенчәлекләре турында сөйләячәк. Журналның баш мөхәррире клуб әгъзаларының сорауларына җавап бирәчәк, ә иң кызыклы сорау өчен бүләк — Р. И. Хәлилулловның автографлы китабы тапшырылачак.