Алабугада «Татарларда кунакта» экспозициясе ачыла

27 декабрьдә 15.00 сәгатьтә Алабуга дәүләт музей-тыюлыгының хәзерге этно сәнгате музеенда үз фондларыннан «Татарларда кунакта» экспозициясе ачылачак. Әлеге проект берничә ел дәвамында Татарстанны Россиянең 24 шәһәрендә, Беларусь һәм Португалиядә уңышлы тәкъдим итте. Инде, ниһаять, «туган» шәһәрендә эшли башлады.

Экспозициянең нигезен дәүләт музей-тыюлыгының фондыннан XIX-XXI гасырларның 354 предметы тәшкил итә. Бу — хатын-кызлар костюмнары һәм бай чигүле кием элементлары, көнкүреш әйберләре, хезмәт кораллары, савыт-саба, мебель һәм музыка кораллары, зәркән бизәнү әйберләре һ.б.