Чыршылар аллеясы барлыкка килде

Бөек Ватан сугышында Җиңүнең 74 еллыгына багышланган “Җиңү Урманы – 2019” Бөтенроссия чарасы кысаларында, Россия ЭЭМның Алабуга районы буенча бүлеге хезмәткәрләре, “ФОРПОСТ үзәге” МБУ хезмәткәрләре белән берлектә, Разведчиклар урамы буенча урнашкан урман посадкасында чыршы аллеясы утыртуны оештырды.

Акциянең төп максаты: Бөек Ватан сугышы вакытында һәлак булганнарның истәлеген мәңгеләштерү һәм урман фондын торгызу. Шулай ук мөһим бурыч – табигатькә, урманга һәм яшел үсентеләргә сак караш тәрбияләү, эчке эшләр органнары хезмәткәрләренә һөнәри-әхлакый, рухи һәм патриотик тәрбия бирүне камилләштерү. Уртак көч белән урман посадкасы территориясендә 8 чыршы утыртылды.

– Әлеге акция хокук тәртибе сагында торучылар өчен матур традициягә әйләнде һәм хокук саклау органнары моңа һәрвакыт теләп катнаша, шуның белән алар патриотизм, шулай ук әйләнә-тирә дөньяга һәм мохитебезгә карата кайгыртучанлыкны һәм мәхәббәтне күрсәтә, – Алабуга районы буенча Россия Эчке эшләр министрлыгының мәгълүмат чаралары белән бәйләнеш инспекторы Надежда Назарова.

Надежда НАЗАРОВА фотосы