Рөстәм Миңнеханов Шәймиевнең туган көненә багышланган видео урнаштырды

Бүген ТРның беренче Президенты, ТР Дәүләт Киңәшчесе Минтимер Шәймиевкә 86 яшь тулды. Шуңа бәйле рәвештә Рөстәм Миңнеханов үзенең Телеграм каналында видеоролик урнаштырды. 

«Татарстан халкының Минтимер Шәрип улына карата мәхәббәте аңлашыла. Республикабызның формалашуы нәкъ менә аның исеме белән бәйле», — дип искәртте ТР Президенты үзенең телеграм-каналында.

Ул Минтимер Шәймиевкә игътибары, киңәшләре һәм Татарстанга чын күңелдән тугры булганы өчен рәхмәт белдерде.