Алабуганың иске татар зиратында өмә үтте

Алабуганың иске татар зиратында шимбә өмәсе узды. Анда 20дән артык кеше катнашты, дип хәбәр итә Алабуга мөхтәсибәтенең матбугат хезмәте.

Җәмигъ мәчете мондый өмәне ел саен октябрь аеның беренче шимбәсендә оештыра. 

Мөселманнар, мәчет әһелләре корыган һәм аварга торган иске агачларны кискән, таралып яткан чүп-чарны җыйган. Файдалы эштә бу юлы хатын-кызлар һәм балалар да катнашты, диелә хәбәрдә.

Фото: Алабуга мөхтәсибәте