Алабуга районында кышка 9153 тонна печән әзерләнгән

Районда кышка 9153 тонна печән әзерләнгән. Бу кирәкле күләмнең 131 проценты дигән сүз. Моннан тыш, 79,3 мең тонна сенаж (132 процент), 60 мең тонна силос (145 процент) тупланган.

Шартлы бер баш терлеккә туры килгән тупас һәм сусыл азык берәмлекләре таләп ителгәннән норма ярым әзерләнгән (район буенча уртача сан). Бу әле ашлык фуражын исәпкә алмаганда. Ә «Яңа Юраш» агрофирмасы«нда күрсәткеч 72,1 центнер тәшкил итә. «Яшь көч» агрофирмасы«нда, «Мир», «Светлая долина» җәмгыятьләрендә, Ф.Әхмәтҗанов КФХында шартлы бер баш терлеккә 40 центнердан артык азык берәмлеге тупланган.