Алабуга районында сөт җитештерү бер ярым тапкыр арткан

Узган елгы белән чагыштырганда, сөт җитештерү бер ярым тапкыр диярлек арткан. «Мир» җәмгыятендә үсеш 61 процент, "Якты үзән«дә — 33 процент, «Башак» авыл хуҗалыгы кооперативында — 17 һәм «Яңа Юраш» агрофирмасында 19 процент тәшкил итә. Әхмәтҗанов КФХның күрсәткече — 147 процент.

Районда бер сыердан алынган сөт күләме 788 килограмм исәпләнә — 2022 елның гыйнвары белән чагыштырганда, 150 килограммга артык. Иң югары күрсәткеч — 822 килограмм — «Мир» җәмгыятендә.

Бер тәүлектә уртача савып алынган сөтнең күләме гыйнварда 26,1 килограмм — 5,2 килограммга артык. Бу район буенча шулай. «Мир» җәмгыятендә — 31,2 килограмм (плюс 6), "Яңа Юраш«та — 26,8 (плюс 5,7 килограмм).

Гыйнварда савылган сөтнең тулаем күләме тәүлегенә 83,5 тоннага җиткән, бу былтыргы дәрәҗәдән 25 тоннага күбрәк. «Мир» җәмгыятендә бу күрсәткеч —37,4 тонна (плюс 16,6), «Яңа Юраш» агрофирмасында — 18,7 (плюс 4 тонна).