Алабуга районында суктыру тизлеге буенча «Яшь көч» агрофирмасы алда бара

Августның 24енә бөртеклеләр һәм бөртекле-кузаклылар 11730 гектарда суктырылган, бу барлык биләнгән мәйданның 59 процентын тәшкил итә. Барлык уҗым культуралары, солы, борчак җыеп алынган, арпа 460 гектарда гына калган, сабан бодаен — 7113 гектарда суктырасы. 

Быел уңыш яхшы — район буенча әйләнәсенә 33,6 центнер. «Нократ таңнары» җәмгыятендә һәр гектардан 38 центнер ашлык алалар, "Яшь көч«тә бу күрсәткеч − 36,9, «Мир» хуҗалыгы иң алда бара, анда гектарыннан 42,2 центнер уңыш алалар.

Иң яхшы уңыш күрсәткечләре: арпа (35,9 центнер), уҗым бодае (34,3), солы (33,8).

Суктыру тизлеге буенча «Яшь көч» агрофирмасы алда, анда барлык мәйданның 95 проценты буш инде. «Башак» авыл хуҗалыгы кооперативында бу күрсәткеч 80 процентка, "Якты үзән«дә — 78 һәм «Яңа Юраш» агрофирмасында — 71 процентка тигез. 
***
Уҗым культураларын чәчү дәвам итә, алар 1035 гектар алып тора, бу − планлаштырылганның 19 проценты.

«Яшь көч» агрофирмасында 760 гектар чәчелгән — бу ниятләнгән мәйданның яртысыннан артыгы. «Башак» авыл хуҗалыгы кооперативында − 110 гектар, "Якты үзән«дә − 75 гектар чәчелгән.
***
Районда туфракны төп эшкәртү 1656 гектарда башкарылган — бу планның 5 проценты, «Яңа Юраш» агрофирмасында − 410 гектарда, "Нократ таңнары«нда − 400, Әхмәтҗанов КФХнда — 340 гектарда эшкәртелгән.
***
Урып-җыю эшләре белән беррәттән, киләсе елны да кайгырталар, өлешчә, орлык салына, 1820 тоннасы бар инде — тиешленең якынча өчтән бере, арпа —949 тонна, борчак — 131, солы — 220, сабан бодае — 520 тонна салынган.

«Яңа Юраш» агрофирмасында бу эш 72 процентка үтәлгән, «Якты үзән» җәмгыятендә − 65, «Яшь көч» агрофирмасында бу күрсәткеч 100 процентка тигез.