Сәламәт табын серләре: Алабуга гастроэнтерологы лайфхаклар белән уртаклаша

Яңа ел табынына күп төрле, майонезлы, ысланган продуктлар кергән салатлар әзерлибез, ә бит бу безнең ашказаны асты бизе өчен җитди сынау. Гастроэнтеролог Гөлнара Мортазина Яңа елны ашказаны асты бизенә зыян китермичә үткәрү серләре белән уртаклашты:

• Табын артына утырыр алдыннан 200 мл гади кайнаган су эчеп куярга (су метаболизмны башлап җибәрә һәм ашказанын тутыра — сез азрак күләмдә салат ашый алачаксыз)
• өйдә әзерләнгән майонез кулланырга (каймак+йомырка+горчица+лимон согы+тоз һәм шикәр)
• ашый торган ризыкның порцияләрен арттырмагыз (1 тапкыр ашаганда 300 мл дан артык булмасын)
• концентрацияләнгән эчемлекләрдән (газлы су, сок, сыра һәм энергетик эчемлекләр) баш тартыгыз
• 48 сәгатьтән артык торган салатлар һәм закускалар кебек ризыкларны кулланмагыз
• Яңа ел рационына җиләк-җимеш һәм яшелчәләрне кертегез
• чаманы белегез — көчле алкогольне тәүлегенә 300 млдан артык кулланмагыз

Бу гади кагыйдәләрне үтәп, сез Яңа елны җиңел һәм актив уздырырсыз дип өметләнәбез!