«Алабуга Нуры» һәм «Новая Кама» газеталары редакциясе үз ветераннарын Җиңү көне белән котлый

Җиңү көне — илебезнең һәр кешесе өчен әһәмиятле һәм дулкынландыргыч бәйрәм. Аны без Бөек Җиңүне фронтта һәм тылда фидакарьләрчә якынайткан данлыклы Ватанны саклаучыларга тирән хөрмәт йөзеннән билгеләп үтәбез.

Бу бөек бәйрәм барыбызны да берләштерә һәм йөрәкләребезне Ватаныбыз, аның бәйсезлеген саклап кала алган ветераннарыбыз өчен ихлас горурлык белән тутыра. Өлкән буыннар яулаган Җиңү бүген дә безне яңа казанышларга рухландыра, рухыбызны ныгыта, авырлыкларны җиңәргә һәм алга атларга ярдәм итә.

Без Сезгә ныклы сәламәтлек, бәхет, гаилә иминлеге, Ватан иминлеге өчен уңышлы хезмәт телибез. Ватан өстендә һәрвакыт кояшлы күк йөзе булсын, ә сезнең йортыгыз шатлык, мәхәббәт һәм җылылык белән тулсын! Бөек Җиңү Көне белән!