«Адымнар — Алабуга» укучысы Миңсылу Сәлахова дәрәҗәле конкурс лауреаты булды

«Адымнар — Алабуга» полилингваль белем бирү комплексының 6А сыйныфы укучысы Миңсылу Сәлахова дәрәҗәле конкурс лауреаты булды.

21 февральдә Сарман авылында «Илһам чишмәсе» төбәкара җыр фестиваль-конкурсының II этабы һәм йомгаклау кичәсе булды.

Удмуртия, Башкортостан, Ростов-на-Дону, Пенза, Пермь, Лениногорск, ХМАО, Оренбург өлкәсе, Мәскәү, Казан кебек Россиянең төрле төбәкләреннән катнашучылар башкару осталыгында үз талантларын тәкъдим итте.

Финалга 200 катнашучы арасыннан 31 иң көчле конкурсант үтте, алар арасында «Адымнар — Алабуга» полилингваль белем бирү комплексының 6А сыйныфы укучысы Миңсылу Сәлахова да бар (преп. Темиргалиева Н. А.).

Миңсылу икенче турга уңышлы үтте һәм Илһам Шакиров репертуарыннан җыр белән гала-концертта лаеклы чыгыш ясады һәм дәрәҗәле конкурс лауреаты булды. 

Миңсылуны зур җиңүе белән котлыйбыз!