Алабуга районы башлыгы Рөстәм Нуриев спортчыларны бүләкләде

28 мартта шәһәр җитәкчеләре планеркасында Алабуга районы башлыгы «Алабуга-Эссен» спорт командасын бүләкләде. Бу хакта район башлыгының матбугат хезмәте хәбәр итә.

Алабуга командасы ир-атлар командалары арасында мини-футбол буенча Татарстан Республикасы Чемпионатында бронза призер булды.

Шулай ук Рөстәм Нуриев мәктәп спорт клубларының Бөтенроссия спорт уеннарында республика этабы җиңүчеләрен — Алабуганың 8 нче урта мәктәбе командасын котлады.