Алабугада аккумуляторларны кабул итү нокталары барлыкка килде

Алабугада «Экология» илкүләм проекты кысаларында ике яңа павильон барлыкка килде, аларда кулланыштан чыккан автомобиль аккумуляторлары кабул ителә. Павильоннар Әйләнеч шоссесы, 15 һәм Бакый Урманче, 26 адреслары буенча урнашкан.
Барлык аккумуляторлар складта саклана һәм алга таба эшкәртүгә җибәрелә. Павильоннарның рәсми ачылышы 15 февральгә планлаштырылган.
«ЭкоСфера» проекты «Экология » илкүләм проектының бер өлеше һәм аңа зур игътибар бирелә. Татарстан Республикасы Президенты һәм җитәкчелеге әлеге эшчәнлекне барлык дәрәҗәләрдә дә хуплый һәм ярдәм итә.