Алабугада ике авыр җинаять теркәлгән

Алабугада авыр җинаятьләр категориясенә керүче ике җинаять теркәлгән. Икесе дә элемтә һәм «Интернет» челтәре аша кылынган мошенниклык фактлары буенча.

Беренче очракта билгесез зат 54 яшьлек ханымга биржада сатуларда катнашырга тәкъдим итә, нәтиҗәдә, зыян күрүче банкларда 850 мең сумлык кредит рәсмиләштерә.

Икенче җинаять җирле 42 яшьлек ханымга карата кылына, ул банкның куркынычсызлык хезмәтенең ялган вәкиленә ышанып, җинаятьчегә 859 мең сум күләмендә акча күчерә.