Алабугада бозлавыктан беренче зыян күрүчеләр бар

Салкыннар башлану һәм бозлавык барлыкка килү белән Алабуга имгәнүләр пунктына беренче зыян күрүчеләр мөрәҗәгать итә башлады.
22-23 октябрьдә район үзәк хастаханәсе мәгълүматлары нигезендә 52 кеше медицина ярдәме сорап мөрәҗәгать иткән. Шуларның 35 е - өлкәннәр, 17 се - балалар. Сынган урыннар белән килүчеләр 15 кеше булган һәм бәрелгән-күгәргән урыннар белән мөрәҗәгать итүчеләр 37 кеше теркәлгән.
Һава торышы мондый булганда медиклар үтә сак булырга, табаны тоташ булган аяк киеме кияргә, тайгак юлдан ашыкмыйча хәрәкәтләнергә, ә өлкән кешеләргә үтә зарур булмаганда өйдән бөтенләй чыкмаска киңәш итәләр.