Алабугада гриппка каршы вакцинация ясау башланды

Прививка, иң беренче чиратта 60 яшьтән өлкәнрәк булганнарга, балаларга, укытучыларга, җәмәгать туклануы, медицина һәм транспорт хезмәткәрләренә, халык белән эшләүче оешма-предприятие хезмәткәрләренә, хроник авыруы булган кешеләргә ясала.

Прививка ясату грипп белән авыру ихтималын уртача ике тапкыр киметә. Аны йоктырган хәлдә дә авыру җиңелрәк үтә. Табиблар әйтүенчә, прививка ясатырга теләгән һәркем аны бушлай ясата ала, моның өчен бары тик каршылыклар булмау турында белешмә кирәк булачак. Моның өчен алабугалыларга үз участок табибына мөрәҗәгать итү зарур.