Алабугада мәктәп укучылары өчен фәнни-гамәли конференция узачак

2021 елның 3 мартында Алабуга дәүләт музей-ядкарьлеге ТРсы Мәдәният министрлыгы, ТРсы Мәгариф һәм фән министрлыгы, Алабуга муниципаль районы һәм Казан федераль университетының Алабуга институты ярдәме белән мәктәп укучылары өчен «Аларның исемнәре Россия данын таныткан» дип аталган Х Республика фәнни-гамәли конференциясе үткәрә.
Хәзерге вакытта тематик секцияләр буенча гаризалар кабул итү бара:
«Шишкин һәрвакыт актуаль»;
«Алабуга медицинасы. Тарих битләреннән»;
«Марина Цветаеваның көмеш гасыры»;
«Ватанны кылыч һәм сүз белән таныткан»;
«Алабуганы яратам, аның тарихын беләм»;
«Тизрәк Алабугага, музейга!».
Гаризалар, фәнни җитәкченең рецензиясен һәм фәнни эшләрне 2021 елның 15 февраленә кадәр e-mail аша җибәрергә кирәк: egmzpedagogi@mail.ru
Белешмәләр өчен телефон: 8 (85557) 7-96-51.