Алабугалы фигуралы шуу буенча ачык беренчелектә җиңү яулады

6-7 февральдә Зәй шәһәрендәфигуралы шуу буенча Зәй муниципаль районының ачык беренчелеге үтте.

Алабуга районы данын «Юность» спорт мәктәбе спортчылары яклады, дип хәбәр ителә Алабуга районының рәсми сайтында. Аларны ярышларга М.А. Бутенина, А.Р. Вахитова һәм Д.В. Бутенин әзерләде. 

Ярыш нәтиҗәләре буенча 2нче яшүсмерләр разряды буенча Ника Озерова 1нче урынны яулады һәм разрядны үтәде. 

Анастасия Федорова 1нче яшүсмерләр разряды буенча 12нче урынны, Аида Яруллина 1нче яшүсмерләр разряды буенча 18нче урынны алды.