Алабуганың 9нчы мәктәбе капиталь төзекләндереләчәк 

 Быел Алабугада республика программасы буенча 9нчы урта мәктәп ремонтланачак. Мондый мәгълүматны Алабуга муниципаль районы башлыгының матбугат хезмәте җиткерде. 

«2021 елда республика программасы буенча 9 нчы урта мәктәптә капиталь ремонт ясарга кирәк булачак. Өстәвенә, 26,4 млн. сум күләмендәге республика акчаларына җирле бюджеттан 10 миллион сум өстәячәкбез. Эшләр исемлегенә түбәне ремонтлау, тәрәзә блокларын алыштыру, ИТП ремонтлау һәм фасадны яңарту керә», — диелә хәбәрдә.