Чаллыда фатир тәрәзәсеннән 6 яшьлек бала егылып төшкән

Кичә кич белән Чаллы шәһәре Сидоровка бистәсендә 6 яшьлек бала бишенче каттагы фатир тәрәзәсеннән егылып төшкән. Бәхетсезлек очрагы Сидоровка бистәсендә булган. Бу хакта «Челнинские известия» хәбәр итә.
Башлангыч мәгълүматлар буенча, бала москит челтәренә таянган һәм егылып төшкән. Аны Чаллының Ашыгыч медицина ярдәме хастаханәсе реанимациясенә китергәннәр, аннары КБМҮгә озатканнар.
Бу хәлнең сәбәпләре ачыклана.

Фото редакция архивыннан