Гомерен янгын кискән

Каманың Алабуга районына кергән уң як ярында урнашкан "Нижнекамскнефтехим" кооперативының бакча йортында чыккан янгын вакытында 11 айлык бала һәлак булган.
Күзәтчелек эшчәнлеге бүлеге башлыгы Александр Ябуров сөйләвенчә, янгын чыгуга мич һәм электр җиһазларын куллану кагыйдәләрен бозу, ут белән саксыз эш итү, балалар шуклыгы," ут төртү һәм башкалар сәбәп була.
Янгын килеп чыкмасын өчен кайбер кагыйдәләрне истә тотарга кирәк. Җылыту җиһазларын тикшереп тору, төтен юлларын корымнан чистартып тору мөһим. Газ белән эшләүче җылыткыч җайланмаларга махсус оешма техник хезмәт күрсәтә. Электр челтәрләрен дә тикшереп торырга кирәк. Мичләрне тиз кабынучан сыеклыклар белән яндырып җибәрмәскә, аларны артык кызудан сакларга. Казан һәм мич кырларына, электр жылыткычлары янына терәп йорт жиһазларын куймаска. Каткан торбаларны ачык ялкын белән җылыту да ярамый.