Кышкы каникулларда татарстанлылар 300дән артык чарада катнаша алачак

Кышкы каникулларда татарстанлылар 300дән артык чарада катнаша алачак. Бу хакта Татарстан Республикасы мәдәният министрының беренче урынбасары Юлия Агдамова хәбәр итте. 

Агдамова сүзләренчә, чаралар бинада һәм урамда оештырыла. Чара һәм спектакльләрнең күбесе инде тиздән башлана һәм кышкы каникуллар ахырына кадәр дәвам итәчәк. 

Танып-белү экскурсияләрен Болгар, Зөя һәм Алабуга музейлары тәкъдим итә. 

Моннан тыш, Казан кремлендә Екатерина Великая бал-маскарады үткәреләчәк.