Әлмәтнең яңа «ЮВТ-24» телеканалы өчен алып баручыларга кастинг игълан ителде 

«ЮВТ-24» телеканалы өчен яңалыклар һәм һава торышы алып баручыларына кастинг башланды. Аның беренче этабы онлайн-форматта уза. 
Кастингта теләге булган һәркем катнаша ала. Моның өчен видео яздырырга һәм аны #кастингЮВТ24 и #погодаЮВТ24 хештеглары белән Инстаграмга куярга гына кирәк. 

Һава торышын алып баручы булырга теләүчеләргә тамашачыларны гаҗәпкә калдырырдай оригиналь видео яздырырга кирәк, ә яңалыклар алып баручысына — яңалык сөйләргә. 

Кастинг онлайн-форматта 26 гыйнварга кадәр дәвам итә. Аеруча кызыклы видеоларны Әлмәт телекомпаниясенең Инстаграм аккаунтында күрергә мөмкин булачак. Финалистларны телекомпаниягә чакырып студиядә яздырачаклар. Кастингның икенче этабы 27 гыйнварда була.