Спартакиада призерларына автобус

Алабугалылар 100 меңгә кадәр халкы булган шәһәрләр арасында спартакиада лидерлары булды. Алабуга муниципаль районының яшьләр эше, спорт һәм туризм идарәсе башлыгы Владимир Кузьминга кубок, диплом һәм "Fiat DUCATO" автомобиле ачкычын район башлыгы Геннадий Емельянов бирде. Владимир Сергеевич исә, спортны үстерүдә актив ярдәм күрсәткәне өчен, Геннадий Емельяновка республика министрлыклары исеменнән Рәхмәт хаты укыды һәм бүләк тапшырды.