Татарстан май һәм шикәрнең җитәрлек күләме белән тәэмин ителгән

Республика шикәр һәм майның кирәкле күләме белән тәэмин ителгән. Әлеге продуктларга дефицит булмаячак, дип хәбәр итә Татар-информ. 

Авыл хуҗалыгы министрлыгында хәбәр итүләренчә, шикәр белән тәэмин ителеш 356,9 процент тәшкил итә. Бу — кирәкле күләмнән өч тапкыр күбрәк. Көнбагыш мае белән тэмин ителеш — 1269.6 процент.

Ведомство хезмәткәрләре сүзләренчә, исәпләүләр өчен бер кешегә ел буена кирәкле булган продуктлар күләме алынган. Бу күрсәткечләр бер кешегә елына 24 кг шикәр һәм 12 кг май тәшкил итә.