Татарстан турында фильм «Россия 24» телеканалында чыгачак

Бу ялларда «Россия 24» телеканалында «Татарстан: килешүгә юл» фильмы чыгачак.

Россия журналисты Алексей Михалёвның авторлык фильмы премьерасы 30 гыйнварда шимбә көнне 17:30 сәгатьтә була. Якшәмбе көнне фильмны 02:31 һәм 21:31 сәгатьтә карарга мөмкин.

Документаль фильмның төп геройлары — гади татарстанлылар. Алар үзләренең туган якка булган самими мәхәббәте, тырыш хезмәтләре ярдәмендә Татарстанны Россиянең иң уңышлы төбәкләренең берсе итә.

Бу фильм Алексей Михалёвның республика турында җәйге эшләренең дәвамы булачак.