Татарстанда җиңел машина балалар мәйданчыгына килеп кергән

Татарстанда җиңел автомобиль зур тизлектә балалар мәйданчыгына килеп кергән. Шуннан соң ул һавада берничә тапкыр әйләнгән һәм яны белән ауган. Социаль челтәрләрдә шуның видеосы чыкты. Бу хакта Татар-информ хәбәр итә. 

Видео авторы язуынча, авария Әлмәт районының Яңа Кәшер авылында булган.
Юл һәлакәтенә очраган машинада өч кеше булган, алар барысы да исән калган, дип хәбәр итә Татар-информ.
Мәйданчыкта бу вакытта балалар булмаган. Хәзер балалар мәйданчыгын ремонтлау мәсьәләсе хәл ителә.