Татарстанда соңгы тәүлектә короновирус йоктыруның 94 яңа очрагы ачыкланган

Татарстанда соңгы тәүлектә короновирус йоктыруның 94 яңа очрагы ачыкланган. Яңа вирус йоктырган 25 кеше хастаханәгә озатылган, 69 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 1, 18дән 30 яшькә кадәр — 10 , 30дан 50 яшькә кадәр — 22, 50дән 60 яшькә кадәр — 19, 60тан 70 яшькә кадәр — 23, 70тән 80 яшькә кадәр — 10, 80нән 90 яшькә кадәр — 8 очрак ачыкланган.

Казанда — 58, Яшел Үзән районында — 6, Чаллыда, Баулы, Бөгелмә һәм Чистай районнарында — 4шәр, Буа һәм Лаеш районнарында — 3шәр, Актаныш, Арча, Югары Ослан, Кама Тамагы, Мамадыш, Менделеевск, Норлат һәм Саба районнарында берешәр кеше йоктырган.

30 декабрьгә алынган мәгьлүматлар буенча, Татарстанда барлыгы COVID-19 белән авыруның 13 189 очрагы теркәлгән. 
Пандемия башланганнан бирле коронавирус инфекциясе йоктырган 10 698 кеше савыккан, узган тәүлектә — 20 кеше.
Спутник-V вакцинасы 1720 кешегә ясалган (5900 вакцина дозасы).