Татарстанга вакытны бер сәгатькә алга күчерергә тәкъдим итәләр

Россия иҗтимагый инициативасында вакытны күчерү реформасы турында тәкъдим кертелде. Авторлар төбәкләрне биш төркемгә бүләргә тәкъдим итә. Мондый мәгълүмат Россия иҗтимагый инициативасы сайтында урнаштырылган. 

Әлеге реформаны тормышка ашыру Россия гражданнарының тормыш эшчәнлеге өчен куркынычсыз һәм уңайлы шартлар булдырырга мөмкинлек бирәчәк. Әлеге реформаны керткәннән соң, Россиядә сәгать зоналарын үзгәртүгә мораторий кирәк.

«Тәкъдим ителә торган реформаның максаты — яшәү төбәгенә карамастан, Россиянең барлык гражданнарының тигез хокукларын тәэмин итү, тәүлекнең якты һәм караңгы вакытының оптималь балансына, шул ук вакытта кешеләрнең тормыш эшчәнлеге өчен максималь куркынычсыз һәм уңайлы шартлар тәэмин итү», — дип билгеләп үтә инициаторлар. 

Татарстан, Марий Эл, Киров өлкәсе, Мордовиядә вакытны бер сәгатькә алга күчерү, ә җәй көне тагын бер тапкыр сезонлы алга күчерү ясау тәкъдим ителгән төбәкләр төркеменә керә. 

фото: pixabay.com