Татарстанның төбәк белән идарә итү үзәгендә хакимият органнары өчен белем бирү программаларын үстерү турында фикер алыштылар

Татарстан Республикасы төбәк белән идарә итү үзәге киләчәктә хакимият органнарына һәм муниципаль районнар вәкилләренә белем бирү программалары линейкасын тәкъдим итә алачак.
«Диалог» коммерцияле булмаган автоном оешмасы генераль директоры урынбасары Владимир Табак Татарстан Республикасы ЦУР базасында белем бирү линейкасын уйларга кирәк, дип сөйләде. Мөһим момент дип ул өзлексез укыту процессын атады. Әйтик, бүген төбәкләрнең мәгълүмати идарәләре җитәкчеләре укыса, иртәгә — муниципалитетларның матбугат секретарьлары. 
Регион белән идарә итү үзәгенең проект офисы башкалада 2020 елның октябрендә эшли башлады. Үзәк гражданнар һәм хакимият органнары арасында коммуникацияләрнең нәтиҗәлелеген арттырырга ярдәм итә. Үзәк «Инцидент Менеджмент» һәм «Халык контроле» системалары эшенә кураторлык итә.